Localización de fugas de auga en calquera punto de Galicia

• Avultamentos ou manchas de humidade nas paredes ou nos teitos.
• Olor a humidade constante.
• Descoloración da pintura da parede.
• Aumento considerable da factura da auga.
• Son de goteo ou escape no interior das paredes.
• Auga temperada ao accionar a auga quente sanitaria nas billas.
• Diminución da auga da túa piscina sen motivo aparente.

Detectamos onde está a fuga de auga sen romper o teito, o chan ou a parede. Contamos con equipos de última tecnoloxía que nos permiten detectar de forma precisa a zona da filtración sen necesidade de grandes obras.

1. Inspección de canos con cámaras. Permite identificar con precisión onde está a fuga e a súa magnitude. As cámaras están adaptadas ao tamaño dos condutos, polo que non danan a súa estrutura.
   
   
2. Cámaras termográficas. Posúen unha elevada sensibilidade térmica para identificar diferenzas de temperatura moi pequenas. Se hai unha fuga de auga, localizamos un punto no que a temperatura varíe.
   
   
3. Xeófonos. Son uns cascos que nos axudan a detectar o movemento provocado pola fuga de auga mediante o son da vibración.
   
   
4. Inxección de gas especial. Cando a fuga non emite ningún son, inxectamos unha mestura de gases para localizala. Estes gases non son tóxicos nin corrosivos, é un método seguro.

Tras localizala, debemos coñecer a orixe da filtración para acabar co problema de raíz. Malia que a reparación de fugas de auga adoita ser sinxela, é importante que acudas sempre a un profesional que garanta a súa correcta solución.